ಮಾನವ ಮೂಳೆ ಮಾಂಸದ ತಡಿಕೆ

ಮಾನವ ದೇಹವು ಮೂಳೆ ಮಾಂಸದ ತಡಿಕೆ

ಮಾನವ ಮೂಳೆ ಮಾಂಸದ ತಡಿಕೆ

ಇದರ ಮೇಲಿದೆ ತೊದಲಿನ ಹೊದಿಕೆ

ತುಂಬಿದೆ ಒಳಗೆ ಕಾಮಾದಿ ಬಯಕೆ

ಮಾನವ ಮೂಳೆ ಮಾಂಸದ ತಡಿಕೆ

ನವ ಮಾಸಗಳು ಹೊಲಸಲಿ ಕಳೆದು

ನವ ರಂಧ್ರಗಳಾ ತಳೆದು ಬೆಳೆದು

ಬಂದಿದೆ ಬುವಿಗೆ ಈ ನರ ಬೊಂಬೆ

ನಂಬಲು ಏನಿದೆ ಸೌಭಾಗ್ಯವೆಂದೆ

ಮಾನವ ಮೂಳೆ ಮಾಂಸದ ತಡಿಕೆ

ದೇಹವು ಮೂಳೆ ಮಾಂಸದ ತಡಿಕೆ

ಉಸಿರಾಡುವ ತನಕ ನಾನು ನನದೆಂಬ ಮಮಕಾರ

ನಿಂತ ಮರುಘಳಿಗೆ ಮಸಣದೆ ಸಂಸ್ಕಾರ

ಮಣ್ಣಲಿ ಬೆರೆತು ಮೆಲ್ಲಗೆ ಕೊಳೆತು

ಮುಗಿಯುವ ದೇಹಕೆ ವ್ಯಾಮೋಹವೇಕೆ

ಮಾನವ ಮೂಳೆ ಮಾಂಸದ ತಡಿಕೆ

ದೇಹವು ಮೂಳೆ ಮಾಂಸದ ತಡಿಕೆ

ಬರುವಾಗ ಬೆತ್ತಲೆ ಹೋಗುವಾಗ ಬೆತ್ತಲೆ

ಬಂದು ಹೋಗುವ ನಡುವೆ ಬರಿ ಕತ್ತಲೆ

ಭಕ್ತಿಯ ಬೆಳಕು ಬಾಳಿಗೆ ಬೇಕು

ಮುಕ್ತಿಗೆ ವಿಠಲನ ಕೊಂಡಾಡಬೇಕು

ಮಾನವ ಮೂಳೆ ಮಾಂಸದ ತಡಿಕೆ

ದೇಹವು ಮೂಳೆ ಮಾಂಸದ ತಡಿಕೆ